अष्ट्रेलियामा पृथ्वी जयन्ति ‘अन्तर्राष्ट्रिय नेपाली दिवश’का रूपमा भव्य र व्यापक रूपमा मनाउन थालेको धेरै वर्ष भईसकेको छ। अष्ट्रेलियाका नेपाली सामाजिक अभियन्ता डिला खरेल सन् २०१० देखी नै अष्ट्रेलियामा नेपाली समुदायले पुष २७ लाई पृथ्वी जयन्ति तथा नेपाली दिवशको रूपमा मनाउँदै आएको बताउनुभयो। नेपाली हुनुको आत्मबोध र आगामी पुस्तालाई नेपाली राष्ट्रियतासँग साक्षात्कार गराउने महान दिनको रूपमा यसलाई लिन सकिने र पर्ने उहाँको ठम्याई छ।
पृथ्वी जयन्ति ‘अन्तर्राष्ट्रिय नेपाली दिवश’का आयोजक कमितीका सदस्य युवा अभियन्ता दीपक पौडेलले पृथ्वीनारायण शाहको सम्बन्धमा गलत कथा बुन्ने र स्थापित गर्नका लागी तथाकथित बुध्दिजिवीहरू नै लागेको देखिनु घृणित कार्य रहेको बताउनु हुन्छ। नेपाल एकीकरण र नेपाली राष्ट्रियताको मियोका रूपमा पृथ्वीनारायण शाहलाई लिनुपर्ने र उनको एकता अभियानको निरन्तरता एवं नेपाली पहिचानको गौरवपूर्ण स्वीकारलाई साक्षात्कार गर्ने अवसरका रूपमा संसारभर छरिएका नेपालीले लिनुपर्ने उहाँको भनाई छ। ‘अन्तर्राष्ट्रिय नेपाली दिवश’को स्वरूपमा पृथ्वी-जयन्तीलाई यस वर्ष पनि गौरव, श्रध्दा र नेपाली एकताको सन्देश दिने दिन रहेको आयोजकको भनाई रहेको छ।
बुधबार नेपाली भएकोमा गर्व गर्ने अष्ट्रेलियामा बस्ने नेपालीहरूले विभिन्न कार्यक्रमका साथ पृथ्वी नारायणशाहको सम्झना गर्ने कार्यक्रम तय भएको हो। अष्ट्रेलियाको सिड्नीमा विशेष कार्यक्रम नेपालीहरूको घना बसोबास भएको ओबनमा हुन लागेको छ। क्यानबेरा, मेलबर्न, एडिलेड, पर्थ, तासमानिया र डार्बिनमा पनि पृथ्वी जयन्तिको उपलक्षमा कार्यक्रम आयोजना हुने छ। सबै राज्यहरूमा कार्यक्रमको खाका बनेको बताईएको छ।
सिड्नीको कार्यक्रम:
सिड्नीमा आयोजना हुने कार्यक्रम ओबन पार्कमा हुन लागेको छ। विहान ११ बजे देखी दिनभर नै ओबनमा विभिन्न प्रस्तुती र माल्यार्पणको कार्यक्रम हुनेछ।
कार्यक्रमको विवरण:
स्थान: Auburn Park, Hutchinson Street, Auburn NSW
मिती: पौष २७, २०७९, सोमवार 11 January, 2023
समय: बिहान ११ बजे देखी ५ बजे सम्म (सिड्नीको समय अनुसार)
Post a Comment